NOJAWAN NASAL MAY PHELTA HOA CIGARETTE KA NASHA

               Cigarette Noshi ek aesi adat hai jo kisi lat sy kum nahi hai. Cigarette pinay wala shakhs ek nasha awar insan ki tarha khud ko is adat k aagy majboor pata hai. Wo na sirf Cigarette khareednay per apni aamadni ka ek acha khasa hisa kharch karta hai, balky apnay liye koi muzar-e-sehat bemariyan bhi khareed lyta hai.

            Aaj kal jis taraf nazar jati hai wahien humari Nojawan Nasal Cigarette peeti hoe dikhae dayti hai. Humari Nojawan Nasal Sir Dard, Ghum-e-Rozgar, Depression, or Ghum-e-Ishq k liye ek aazmuda dawa k tor per Cigarette ka istemal karti hai. Is Nashay may molavis Taleem yafta larkay hi nhi balky larkiyan bhi shamil hain. jo ye bat achi tarha say janten hain kay Cigarette unki sehat k liye kitna khatarnak hai. Lekin phr bhi wo isay apni zarorat ka naam dykar istemal krtay hain.

         
          Cigarette Noshi ek azab hai. Iski zad may sirf is kay peenay wale hi nhi balky aas pas rehne wale log bhi mutassir hoten hain. Cigarette Noshi may 3 muzar-e-sehat ijza Nicotine, Tar or Carbon Mono Oxide paye jaten hain. Jis say na sirf Cancer balky Dil ki bemariyan, High Blood Pressure, Bronchitis or Alzymerz jesi bemariyan payda hoti hain.

          Is liye hume chahiye kay logon mai Cigarette Noshi k Nuqsan ujagar karen, take humari anay wali naslen Nasha awar chezon kay istemal say parhez karen. Kyun k Cigarette Noshi na sirf Muashi balky Muasharti bemariyon ki bhi jar hai. Hume koshish karni chahiye kay is burai say apne Muasharay ko Pak kar k ek sehat mand Muashra tashkeel den.        

BY:

RUBY SAJID MALIK