CNG STATION CLOSURES SCHEDULE

CNG ek aesi bala ka naam hai jo chund saal pehle Pakistanion k liye rehmat thi . Kyun kay is ne ghareeb admi per petrol k nisbat bohat kam bojh dala tha. Awam khush thi k chalo gadi chalana ab humari pohunch mai hai.

lekin yeh khushi chund din ki sabit hoi. humare mulk ki unfavourable policies ne CNG ko bhi awam ki pohunch se door ker dia . Jo admi gadi lene k khuwab dekhega is daur mai, woh dar k uth jayga k bhai CNG ka kharcha kese uthaonga.

Mehngai ne ghareeb aadmi ki kamar to torhi hi hai lekin jo CNG band kerne ka ek aur rivaaj muasharay mai raij hogya hai is kay liye toh mai hukumat ko dil se shukriya ada karna chahongi... aesa koi harba na chora apnane se jis se awam ki bardasht aur tahammul ka imtehan liya ja sakay... phir bade fakhr se seena taan k kehte hain k hum ne apni hukumat k 5 saal mukammal kiye.

Yahan baat ho rahi thi kay CNG ko nemat se bala mai kesse badla humari hukumat ne. Aesa kaarnama humari hukumat k elawa koi de bhi nahi sakta. Pehle qeemat her haftay badhate chale gay yahan tak k petrol k taqreeban barabar ja pohunchi. phir jab isse dil bhara to cng band karnay ka riwaaj qaim kiya jo k aj kal hum dekh rahe hain.

Ab jab university jana ho tu pehle 1 ghanta is intezaar aur umeed mei

kharha rehna parhta hai k bus aygi, bus aygi ... jab aati hai toh insan k khaday hone ki jaga nahi hoti .... phir conductor bhari hui bus mai awaz lagata hai,” Aagay barho jaga banao auron kay liye”.…

Yeh toh thi hamari kahani un ka bhi kuch acha haal nahin jin ki garhiyan CNG per hain. Kai kai dino tak CNG stations band kar diye jatey hain phir jab khulty hain toh garhiyon ki itni lambi line lagti hai kay kuch log toh apna bistar bhi gari mai hi rakhtay hain kay kiya pata kab number aye???!!!.

By:
Ifrah Ansari