"MAA APNE BAITAY SAY KIA CHAHTI HAI?"

    

       IS jahan-e-fani ko aam fehim may Duniya kaha jata hai. Aankh khultay hi Bacha jis hasti ko dykhta hai wo uski MAA hoti hai. Swaal ye hai k MAA APNE BAITAY SY KIA CHAHTI HAI?

    Jab Bacha duniya mai ata hai to MAA din raat k farq ko mitta kar uski parwarish karti hai or us sy ye tawaka rakhti hai k uski mehnat ka aks usay Bachay ki shakhsiyat mai nazar aye. MAA apne Baitay sy ek Pyar bhari muskurahat chahte hai. Wo apne Baitay ki masrufiyat sy bakhubi waqif hoti hai k iska baita muasharti zimedariyon ko pura karne may kis qadar masrof hai. Agar baita is masrof zindagi mai say rozana chund ghantay nikla kar apni MAA ki kheriyat daryaft kar lay to Baitay ki thori si mohabat or tawaja bhi MAA ko khushi dayti hai.MAA ki asal dolat uski olaad hoti hai. Wo apni olaad k liye apna sub kuch qurban kar dayti hai. Wo bus itna chahte hai k Jese bina ehsan jatae wo apne Baitay ka bachpan sy Khayal rakhti hai bilkul isi tarha baita bhi iski zroriyat ka Khayal rakhe. Iska Ehtram kare. Take us say wabista tamam rishtay, Bahu, potty, pottiyan bhi isi ki tarha iski MAA ki izat karen.            

   Lekin MAA ki is mohabat or mehnat k auz Aaj kal k Beitay apni MAA ko waqt nhi detay, balky ye taana detay hain k har MAA apni olaad ko isi tarha paal pose kar Jawan karti hai, aap nay koi Anoka kam anjam nhi diya. Wo apne waldein ko bojh samajhtay hain. Biwi k anay k bad MAA sy milna bhi pasand nhi karte. Unay ghar say nikla kar Edhi center ki Rah dikhatay hain. Afsos k sath kehna par raha hai k bohat say Baitay apni is (MAA) Jannat ko kho jane k bad unki ahmiyat ko samajhtay hain.

     Kiya MAA ki ye choti si khuwahishat itni mushkil hai k ek baita unko samajh nahi pata?

    Kiya MAA apne Baitay sy ache behavior ki umeed bhi nhi rakh sakti? 

BY:

   RUBY SAJID MALIK.