MUSALMANO KA QIBLA-E-AWWAL

MUSALMANO KA QIBLA-E-AWWAL

Palestine Anmbiya (alaih-e-salam) ki sar zameen hai. Hazrat Adam(alaih-e-salam) nay is sarzameen pey kheti barhi ki. Hazrat Moosa (alaih-e-salam)ko Toor-e-Sina kay qareeb Nabuat ata ki gai. Hazrat Maryam (alaih-e-salam) aur in kay betay Hazrat Isa (alaih-e-salam) yahi peda huy. In kay elawa bhi ALLAH TA’ALA nay hazaron nabi is sar zameen per bhejy. Palestine kay shaher Jerusalem mai Bait-ul-Muqaddas hai, aur yeh musalmano ka Qibla-e-awwal hai. Hazrat Mohammad(SallAllahu ALaih-e-Wasallam) jab Mairaj kay Safar per rawana huy toh AAP(SallAllahu ALaih-e-Wasallam) kay is safar ki aik manzil Bait-ul-Muqaddas bhi thi.

1947 mai Bartanvi Wazir-e-azam nay aik ghinaoni sazish kay tehat falastiniyon ko un ki sar zameen say mehroom  kar diya. Jews nay is sar zameen ka naam Israel rakha.

Jews nay Bait-ul-Muqaddas ki islami importance ko khatm karney kay liye usay apna Capital banaya. Officeas aur courts nmai jewish language “Ubrani” raij kar di gai. Masjid Aqsa ko shaheed kar kay us ki jaga “Hackle Sulemani” ki tamer ki gai. Naiz har gali, bazaar, road aur tafreh gah kay jewish name rakh diye gay. Musalmano pey zindagi tang kardi, unhey tang karney ka har herba use kiya gaya aur aaj bhi kiya ja raha hai. Falastiniyon nai AZAD-E-FALASTIN kay liye mukhtalif tanzeemay qaim ki jin mai “Al-Fteh” aur “Hamas” shamil hain. Isreali fauj ka jab dil chahta hai wo tank aur buldozer musalmno kay gharo per charha detey hain, Bambari kar kay khauf aur wehshat phelaty hain, Be gunah aurton, masoom bachon, nojawan aur kamzor burhon kay khoon say holi khelty hain. 

Israel ki yeh zulm-o-barbariyat Super powers ko nazar nahin aati. War against terrorism kay naam per Afghanistan ko barbad kar diya, mojudah daur say saalon pechay dhakail diya gaya lekin Israel kay zulm kay khilaf koi qarardad UNO mai nahin lai jati kyun kay Super powers Israel kay support mai hain. Agar Israel ko in ki support nahin hoti toh yeh masla kab ka hal ho chukka hota. Jang bandi kay samjhotey kay bawajud Israel bambari karta hai aur phir bhi kisi saza ka murtakib nahin banta.

Azadi ki tehreek ko zulm-o-sitam aur tashadud kar kay nahin dabaya ja sakta. Wo din bhi zaroor aeyga jab falastini bhi hamari tarah aik azad aur khudmukhtar state kay mallik ban jaengay. INSHALLAH UL AZIZ

By:

IFRAH ANSARI